| Stimme: |
Willkommen bei McKing! Ihre Bestellung
bitte!
|
| Georg: |
Wos?
|
| Stimme: |
Hallo?
|
| Georg: |
Wer red’ denn do?
|
| Stimme: |
Hallo! Ihre Bestellung bitte!
|
| Georg: |
Aso, do vo dem Lautsprecher kimmt des
aussa!
|
| Stimme: |
Möchten Sie was bestellen?
|
| Georg: |
Logisch! An so an Ding, an so an Burger do!
Und Bommfritz!
|
| Stimme: |
Ham, Cheese oder Chicken?
|
| Georg: |
Ha?
|
| Stimme: |
Welchen Burger möchten Sie bestellen?
|
| Georg: |
Mit an Fleisch!
|
| Stimme: |
Also einen Hamburger?
|
| Georg: |
Is der mit Fleisch?
|
| Stimme: |
Ja!
|
| Georg: |
Dann den! Und Bommfritz!
|
| Stimme: |
Den Burger normal, maxi, mega oder giga?
|
| Georg: |
Ja fix! An Burger halt!
|
| Stimme: |
Es gibt vier Größen!
|
| Georg: |
Wos?
|
| Stimme: |
Mini, maxi, mega und giga!
|
| Georg: |
Wos isen do da Unterschied?
|
| Stimme: |
Mini ist der kleinste, giga der größte!
|
| Georg: |
Nacha nimme mittel! Und Bommfritz!
|
| Stimme: |
Also Maxi?
|
| Georg: |
In Gotts Nam’! Wennst moanst! Und Bommfritz!
|
| Stimme: |
Die Pommes klein, mittel oder groß?
|
| Georg: |
Mei, so länglich halt.
|
| Stimme: |
Nein, nicht die Größe der Pommes! Die Größe der Packung!
|
| Georg: |
D’Packung isma wurscht, weil de friese ned!
|
| Stimme: |
Aber in der großen Packung sind mehr Pommes!
|
| Georg: |
Ja, nacha gibstma halt do aa mittel! Also, i will ja nix sogn, owa schee staad daad mi hungern!
|
| Stimme: |
Also Hamburger mittel plus Pommes mittel!
|
| Georg: |
Haargenau!
|
| Stimme: |
Wünschen Sie ein Getränk?
|
| Georg: |
A leichts Weizen!
|
| Stimme: |
Alkoholische Getränke führen wir nicht!
|
| Georg: |
Nacha nix!
|
| Stimme: |
Wie bitte?
|
| Georg: |
Dann mog ich nix!
|
| Stimme: |
Nichts?
|
| Georg: |
Zum essn scho, zum trinka moge nix! Hungern daad mi!
|
| Stimme: |
Ein Tipp: Wenn Sie unser Late-Night-Menü nehmen, kostet Sie das genau soviel wie ein Hamburger und mittlere Pommes und es ist ein Getränk Ihrer Wahl dabei!
|
| Georg: |
Das waar dann direkt umasunst?
|
| Stimme: |
Wie bitte?
|
| Georg: |
Das Getränk täte dann praktisch nix kosten?
|
| Stimme: |
Genau! Weil es im Menü enthalten ist!
|
| Georg: |
Owa i mog koa Kracherl ned!
|
| Stimme: |
Wie bitte?
|
| Georg: |
Ein Limo tut mir nicht schmecken!
|
| Stimme: |
Sie haben die freie Wahl! Es gibt auch Wasser!
|
| Georg: |
Ja pfui Deifl! Mir wennst ned gangst!
|
| Stimme: |
Ich verstehe Sie sehr schlecht!
|
| Georg: |
Ich mag kein Wosser nicht! Außerdem bine do, weil mi hungert und ned, weil mi dürscht! Wennme dürscht hätt, dann waare ins Wirtshaus ganga!
|
| Stimme: |
Dann also nur den Hamburger maxi und mittlere Pommes!
|
| Georg: |
Ja! I daad recht schee bitten!
|
| Stimme: |
Haben Sie großen Hunger?
|
| Georg: |
Scho!
|
| Stimme: |
Darf ich Ihnen dann vielleicht unser Menü „Rambo“ empfehlen?
|
| Georg: |
Rambo?
|
| Stimme: |
Ja! Zwei Burger giga plus große Pommes plus ein Country-Salat! Als Menü nur 5,95 Euro! Einzeln würde das 8,40 Euro kosten! Sie sparen 2,45 Euro!
|
| Georg: |
Ja … hm …
|
| Stimme: |
Für einen Aufpreis von 50 Cent auch mit Getränk!
|
| Georg: |
I mog nix zum trinka, zenalln! Und des Rambo do wird mir a weng z’viel! Do konn i ned schloffa, wenne so vollgfressn bin!
|
| Stimme: |
Wir haben auch „Kid Rambo“! Das ist nur ein Burger giga plus große Pommes plus kleiner Salat. Nur 3,95 Euro! Für einen Aufpreis von …
|
| Georg: |
Jetza fang bloß ned wieder mit an Getränk o!
|
| Stimme: |
Okay! 3,95 Euro ohne Getränk!
|
| Georg: |
„Kid Rambo“ hoaßt des?
|
| Stimme: |
Ja!
|
| Georg: |
Hm …
|
| Stimme: |
Hallo? Sind Sie noch da?
|
| Georg: |
Jaja! Moment, i sinnier bloß!
|
| Stimme: |
Kennen Sie schon unsere Frühjahrsaktion „Fit ins Bett“?
|
| Georg: |
Naa! Wos is nacha des scho wieder?
|
| Stimme: |
Ab 22 Uhr jeder Salat zum halben Preis!
|
| Georg: |
Des waar praktisch scho aktuell, weil es is ja scho holwe oans!
|
| Stimme: |
Genau! Möchten Sie einen Salat?
|
| Georg: |
Eigentlich ned! I sog allaweil: „A Rindviech bine ned, also friese aa koa Gros!“
|
| Stimme: |
Wie bitte?
|
| Georg: |
I mog koan Solod! I will wos handfests! Mi hungert! Schee staad wire grantig!
|
| Stimme: |
Wir haben auch die Aktion „Fett ins Bett“! Ab 24 Uhr kostet jeder Giga-Burger einen Euro weniger!
|
| Georg: |
„Fett ins Bett“! Also ganz sauber seids ihr ned!
|
| Stimme: |
Doch! Wir arbeiten nach den neuesten EU-Hygienevorschriften!
|
| Georg: |
I moan doch ned eier Hygiene! I moan des „Fett ins Bett“! Des kimmt alls vo Amerika uma! Drum hamms ja alle an drumm Orsch, d’Ami!
|
| Stimme: |
Wie bitte?
|
| Georg: |
Ah nix! I mog koan Mega ned und aus!
|
| Stimme: |
Giga!
|
| Georg: |
Moge aa ned! I mog einfach an Hamburger und mittlere Bommfritz! Is jetza des so schwierig? Und wos des kost, des is mir wurscht, weil mi hungert!
|
| Stimme: |
Nur noch ein kleiner Tipp: Zur Zeit haben wir Mexiko-Wochen!
|
| Georg: |
Ja und? I hob Urlaub!
|
| Stimme: |
Haben Sie unseren Azteken-Wrap schon probiert?
|
| Georg: |
Naa! I mog koan Wrap! Und außerdem woaß i ned, wos des überhaupt is!
|
| Stimme: |
Feinstes Rindfleisch vom mexikanischen Hochlandrind! Mit Riesenbohnen und einer scharfen Mexican Sauce! Nur 3,95 Euro! Gibts auch als Menü mit Süßkartoffeln und Salsa-Dip! Dann für 5,45 Euro!
|
| Georg: |
Nix do! Wos da Bauer ned frisst, kennta ned! Jetza soges’s letzte Mol: An Hamburger will i und mittlere Bommfritz! Des glangtma! I will koan mexikanischs Rindviech und koa Süßkartoffel! Bloß an Hamburger und Bommfritz! Und zwar flott, weil mi hungert!
|
| Stimme: |
Alles klar! Pommes rot oder weiß?
|
| Georg: |
Liawa gelb!
|
| Stimme: |
Nein, ich meinte mit Ketchup oder mit Majo!
|
| Georg: |
Aso! Ja dann mit Ketchup! Obwohl – i iß im Auto. Dann howe den ganzn Dreg wieder aaf da Hosn. Naa, liawa gor nix!
|
| Stimme: |
Gar nichts? Ich dachte, Sie haben Hunger!
|
| Georg: |
Koan Ketchup! Des andere scho! Glaubstas, is des a Kreiz!
|
| Stimme: |
Möchten Sie eine Apfeltasche?
|
| Georg: |
I brauch koa Taschn, weil i iß des Zeig glei! Außerdem hob i a Plastiktaschn dabei!
|
| Stimme: |
Wie bitte?
|
| Georg: |
Nix! Ja sog amol, des gibts doch ned! Jetza steh i scho zehn Minuten do und schrei in des Loch eine und hob no nix! Des soll a Fast Food sei? Derweil hätt i im Wirtshaus an Schweinsbraten aa gessn!
|
| Stimme: |
Wir verwenden nur Rindfleisch!
|
| Georg: |
Des is mir wurscht! Hauptsach, i kriag jetza glei wos zum essn, sunst draah i durch! Mir is scho ganz schlecht vor lauter Hunger!
|
| Stimme: |
Ich darf nochmal wiederholen: Einmal Hamburger Maxi und einmal mittlere Pommes! Ist das so richtig?
|
| Georg: |
Ja, kruzenäsn!
|
| Stimme: |
Pommes sind aus!
|
| Georg: |
Wos? Bommfritz san aus? Des derf doch ned wohr sei! Ja sog amol!
|
| Stimme: |
Haben Sie einen anderen Wunsch?
|
| Georg: |
Ja, am Orsch konnstme lecka!
|
| Stimme: |
Normal oder Mega? |
